Beudeh rakan lon... Tanglong seumeulhoh
Mita beu sunggoh... Pangkai ta gisa
Hudep lam donya... Siat tapiyoh
Dang ta preh tanggoh ... Wo dalam baqa 2x
Nyan keuh jeut seubab... Wahe rakan beuh
Taubat beu sunggoh... Masa lam donya
Pangkai ngen tawo... U nanggroe jioh
Tempat ta piyoh.. Seulama lama
Menyo le amai meu tuah tuboh
Tuhan han geu boh siksa keu gata
Yoh masa hudep ta pubut suroh
Allah peu jioh apui nuraka
Tapi nyoe gata lam donya gadoh
Lam teu peugaroh syaitan peu daya
Jeut keu sahabat si iblis bioh
Nyan preh rakan beuh geu azeub siksa
Mari rakan dro tanyo peu jioh
Taubat beu sunggoh amai ta mita
Yoh manteng nyaweng di dalam tuboh
Yoh manteng goh troh panggilan teuka
Dalam syiruga tanyo beu ek roh
Beu sajan geu boh dengen ulama
Bek sampe saho tempat tanyo roh
Ngen iblis bioh dalam nuraka
Tidak ada komentar:
Posting Komentar