صلى و سلم يا رب على النبي سيدنا محمد
و اله و الصحبه اجمعين
Umar Usman Ali, Abu bakar
Sahabat nabi. Tuan Fathimah
Binti Rasuli yaa Rasulallah
Janjongan kamii
Ya maulana ya habibi
Neu preh kamo bak ulee titi
Menyo han neupreh Ya Habibi
Neu lambai manteng dengen jaro wii
Leupah gunaseh Nabi Muhammad
Geuyak cok ummat dalam nuraka
Nuraka tutong hana geu ingat
Nabi Muhammad ummat neu mita
Nabi yang laen mandum peu leuh droe
Geu kheun bak tanyo , nafsi-nafsi
Yang na sayang nibak watenyan
Janjongan alam neu khen ummati
Wahe Ya Allah o ya hadharat
Neu limpah rahmat ateuh saidina
Keu kamo neubri husnul khatimah
Ahli sa'adah yang meubahgia
Neubi keuh kamo mate lam iman
Ateuh iseulam yang ridha Allah
Yoh masa hudep neu bri keng iman
Bek roh menyimpang jalan agama
Di masa hudep kuat ibadah
Hidayah lengkap ngen taufiq allah
Bek neu bri kamoe su ul khatimah
Ahli syaqawah mate ceulaka
Dengen mukjizat Nabi Muhammad
O ya hadharat neu kaboi do'a
Dengen beurekat janjongan alam
Rasul pilihan nabi musthafa
صلى و سلم يا رب على النبي سيدنا محمد
و اله و الصحبه اجمعين
